Úttekt með bankamillifærslu

Þú getur tekið inneign út af Myntkaup reikningnum þínum og fengið hana greidda í krónum inn á íslenskan bankareikning í þinni eigu.

Áður en þú byrjar

Inneign á Myntkaupum er geymd í USDC, sem er grunnmynt reikningsins. Ef þú átt rafmyntir sem þú vilt fá greiddar í krónum byrjar þú á því að selja þær. Þá færðu USDC inn á reikninginn þinn (sjá Hvernig kaupi ég rafmyntir?).

Svona tekur þú út

1. Smelltu á Úttekt í appinu eða á vefnum.
2. Veldu Bankaúttekt.
3. Sláðu inn bankanúmer, höfuðbók og reikningsnúmer. Reikningurinn verður að vera skráður á þína kennitölu.
4. Sláðu inn upphæðina í USDC sem þú vilt taka út.
5. Farðu yfir upplýsingarnar og staðfestu úttektina með PIN-númerinu þínu í appinu og í tölvupósti sem þú færð sendan.

Gjald og gengi

• Fyrir hverja bankaúttekt er tekið fast 7 USDC gjald.
• Lágmarksúttekt er 15 USDC.
• USDC er umreiknað í krónur á almennu kaupgengi Arion banka á Bandaríkjadal, án álags. Um helgar og á frídögum er notað gengi síðasta bankadags.

Hvenær berst greiðslan?

Bankaúttektir eru afgreiddar alla daga ársins og berast yfirleitt samdægurs, oft innan nokkurra klukkustunda. Af öryggisástæðum samþykkir starfsmaður allar úttektir og það er gert milli kl. 09:00 og 23:59. Ef þú biður um úttekt utan þess tíma er hún afgreidd þegar þjónustutíminn hefst aftur kl. 09:00.

Dæmi um heildarkostnað við sölu og bankaúttekt finnur þú á síðunni Kostnaður.

Síðast uppfært: 18. október 2026